Hjörleifur Hilmarsson  Braut 2

Ólafur Sigvaldason   Braut 3

Thomas Viderö    Braut 4

Hafsteinn Pálsson   Braut 5

Eiríkur Jónsson  Braut 6

Stefán Sigurðsson    Braut 7

Johann A. Kristjánsson  Braut 8

Góð þátttaka var á fræðslukvöldi sem haldið var í Digranesi síðasta miðvikudag.  Þar var farið yfir ýmis grunn atriði í markskotfimi, leiðbeinandi var Steinar Einarsson.  

Alls mættu um 50 manns og voru karlmenn í meirihluta.

Kvöldið byrjaði með fyrirlestri og glærusýningum, svo fengu þátttakendur að skjóta nokkrum skotum og þá fékk hver og einn sérstaka tilsögn.  Mætingin fór fram úr björtustu vonum og sýnir það áhugann hjá skyttum fyrir ýmsan fróðleik sem við kemur skotfimi.

Til stendur að halda annað þrifanámskeið eins og var fyrir tveimur árum, en það verður vonandi fyrir vorið, Steinar hefur líka tekið vel í þá hugmynd að halda fleiri svona námskeið.

Fimmtudaginn 3. febrúar verður haldið innanfélagsmót í standard skammbyssu klukkan 19:00.  Skráning fer fram á staðnum og Jónas S. Sverrisson er mótastjóri.

Í dag og næstu daga ættu greiðsluseðlar vegna árgjaldsins að berast félagsmönnum.  Minni menn á að greiða árgjaldið tímanlega svo það sé hægt að prenta út félagsskírteini fyrir þá.  Einnig er rétt að benda mönnum á að hafa samband við mig með tölvupósti á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ef greiðsluseðillinn berst mönnum ekki eða ef menn telja að verið sé að rukka þá um ranga upphæð.

Félagsgjald er 12.000.-

Lyklagjald er 2.000.-

Skápagjald er 3.000.-

Þeir sem hafa áhuga á því að fylgjast með gengi okkar manna í sænsku mótunum svokölluðu, geta gert það hér:

http://luft.allsvenskapistolserien.se/index.aspx

Við erum með tvö lið þar. Lið 1 er í deild 3c og það eru Thomas Viderö, Stefán Sigurðsson og Eiríkur Jónsson. Lið 2 er í deild 4a og það eru Hafsteinn Pálsson, Karl Einarsson og Ólafur Sigvaldason.

Í gær var landsmót í enskum riffli og var 7 1/2 keppandi mættur til leiks. Þessi sem telst vera 1/2 keppandi er Sigvaldi H. Jónsson, sérlegur siðferðisráðgjafi SFK, en hann keppti sem gestur. En hann hélt langar tölur um hnignandi siðferði á þessum síðustu og verstu tímum. „Það er af sem áður var ... þegar vandaðir menn voru nánast framleiddir á færibandi á Djúpavogi ...siðferði lands og þjóðar til sóma...“

Annars voru 4 keppendur frá SFK, 2 frá SR og 1 frá höfuðstað Vestfjarða Ísafirði. Tæknin var eitthvað að stríða okkur í byrjun og vildi forritið ekki hlýða mótstjóra sem tók nokkrar prímadonískar (nýyrði í íslensku) tilfinningadýfur, og reytti bæði hár sitt og sína 3ja daga skeggbrodda með flísatöng. En hvorki þetta né að mótstjóri væri ekki með kaffi á boðstólnum heldur sykursætt ropvatn, hafði áhrif á keppendur. Þeir stóðu sig allir með stökustu prýði. Guðmundur Helgi Christensen úr SR vann með 584 eftir venjulega keppni, annar var Arnfinnur A. Jónsson með 582 og í þriðja sæti var Mr. All-too-late Jón Þór Sigurðsson með 576. Lífsklukka trommarans virtist hafa misst nokkur „bít“, því hann mætti 10 mínútur fyrir mót. Skamm, skamm. Sama röð hélst eftir úrslitakeppnina, þó svo að Jón Þór hafi saxað lítið eitt á byssusmiðinn úr Hafnarfirðinum.

Margir merkir menn heiðruðu okkur með nærveru sinni meðan á móti stóð, þar á meðal féhirðir félagsins, Baróninn, tvöfaldur Íslandsmethafi og svo auðvitað Mr. Waage himself. Mótstjórinn er kominn með alvarlegan hálsríg eftir að hafa bugtað sig og beygt fyrir þessum stórmennum. Nánari úrslit er að finna á úrslitasíðunni.