Í dag héldum við Tófumót SFK 2012.  Nýr refur var krýndur við hátíðlega athöfn á skotsvæðinu í Höfnum, þar sem refurinn frá því í fyrra sá sér ekki fært að mæta.  Það var mikið um forföll í mótið að þessu sinni, alls 5 af 11 keppendum boðuðu forföll, en eftir stóð rjóminn af keppendunum sem skáðu sig til leiks.

Daníel Guðmundsson hafði betur gegn Jóhanni A. Kristjánssyni eftir æsi spennandi bráðabana um efsta sætið og þriði kom undirritaður og í fjórða sæti var Pálmi S. Skúlason.  Þessir fjórir hittu alls 8 af 10 tófum hver, með aðeins mismunandi dreyfingu á stigasvæðin.

Hjörleifur Hilmarsson hafnaði í 5. sæti, en hann hitti 7 af 10 og átti einnig lengsta hittið, 7 stig á 463 metra færi.  Í sjötta sæti var svo nýliði í Tófumótaröð SFK, það var gjaldkerinn okkar hann Ólafur Sigvaladason, sem er rísandi stjarna í þessari tegund af skotfimi.

Hér má sjá myndirasýningu frá mótinu.

Hér eru úrslitin úr mótinu.

Eftir þessa viku lokum við fyrir hefðbundnar opnanir í sölum félagsins.  Þá verður ekki hægt að ganga að því vísu að æfingarstjórar verði á staðnum.  Við opnum svo aftur upp úr miðjum september.

Einnig er rétt að benda á að púðursalurinn er upptekinn allan laugardaginn, þá er hann í útleigu.

Í dag er síðasti skráningardagurinn í Tófumótið, það verður haldið á skotvellinum hjá Skotdeild Keflavíkur í höfnum á laugardaginn.  Hér aðeins neðar er hægt að sjá helstu reglur og það sem er gott að vita.  Veðurútlit er ekkert sérstaklega gott fyrir laugardaginn, en síðan hvenær hafa menn getað pantað sér veður í tófuveiði?

Um að gera samt að fylgjast með hér á heimasíðunni hvort við þurfum að fresta eða ekki.

Í dag fór fram Íslandsmótið í Enskum riffli. Hjónin úr SR, Guðmundur Helgi Christensen og Jórunn Harðardóttir, urðu Íslandsmeistarar í karla- og kvennaflokki. Guðmundur var með 586 + 103,1 og Jórunn skoraði 575 + 98,5 en Jórunn setti Íslandsmet kvenna með úrslitakeppni: 673,5 stig. Jón Þór Sigurðsson úr SFK varð Íslandsmeistari í 1. flokki með 576 + 102,1 og í 2. flokki varð Viðar Stefánsson einnig úr SFK með 536. Í 0-flokki sigraði nýliðinn og Ísfirðingurinn Ívar Már Valsson með 497 stig. En þetta var hans fyrsta mót. A-lið Skotfélags Kópavogs sigraði í liðakeppni með 1.727. Frekari úrslit er að finna á úrslitasíðunni.

Nokkrar myndir eru komnar á myndasíðuna.

Búið er að raða niður í riðla fyrir Íslandsmótið í Enskum riffli sem verður á laugardaginn.  Æfing fyrir mótið er á Föstudaginn klukkan 20:00 - 22:00.

Riðill 1:  10:00

Riðill 2:  11:45

Sex manna Final:  13:30

Hér er hægt að nálgast riðlaskiptinguna.

Nú er komin dagsetning á árlegt Tófumót SFK sem haldið verður á skotvelli Skotdeildar Keflavíkur í Höfnum.  Laugardagurinn 12. maí klukkan 10:00.  Mótastjóri er Pálmi Skúlason og honum innan handar verða nokkrir góðir félagsmenn SFK.

Forskárning er í mótið og þurfa menn að skrifa sig á blað sem hangir á töflunni í andyrinu í skotsalnum upp í Digranesi.  20 fyrstu sem skrá sig eru gjaldgengir.

Reglur:

1. Skotið verður á skuggamyndir af Tófum á færum frá 50 - 550 metra.

2. Skífurnar verða á 10 mismunandi færum fyrir hvern skotmann, sem þýðir að þetta eru 10 skot á mann.

3. Skotið verður af borðum, aðeins eitt skot á hverja Silhouette-u.

4. Enginn æfingarskot eru leyfð á mótsdag, tófuveiðimenn eins og aðrir veiðimenn eru búnir að prófa byssurnar sínar áður en haldið er til veiða.

5. Gefin eru stig fyrir hittni. 4, 7, 10 stig.

6. Meirihluti kúlugats verður að vera innan silhouette-u til þess að það telji sem hitt (dómnefnd sker úr um vafaatriði).

7. Ef kúlan snertir línuna sem liggur á milli stiga svæða þá gildir lægra skorið. Til þess að fá 10 stig þá má kúlan ekki snerta línuna sem skilur á milli 7 og 10 stiga svæðisins.

8. Ef tveir eða fleiri verða jafnir að stigum í lok keppninnar verður bráðabani til þess að skera úr um sigurvegara.

9. Tíminn til þess að skjóta þessi 10 skot verður 10 mínútur.

10. Benchrest rifflar (Markrifflar) eru ekki leyfðir í þessari keppni, heldur einungis veiðirifflar með tvífæti. (SAKO TRG og Tikka T3 Tactical eru taldir með veiðirifflum, enda fjöldinn allur af veiðimönnum sem notar orðið slíka riffla).

11. Muzzle-break (Hlaupbremsa) er leyfð.

12. Ekki má nota rest, hvorki að framan eða aftan.

13. Úrskurður dómnefndar er endanlegur og áskilur hún sér rétt til þess að leita álits fagmanna um lögmæti riffla.

Gott að vita:

1. Mótið byrjar klukkan 10:00.

2. Keppendur þurfa að vera mættir hálftíma áður en þeir eiga að skjóta.

3. Mótagjöld eru 2.500.- krónur á mann.

4. A.T.H. Mikilvægt er að menn viti að þar sem ekki er posi á staðnum, verða menn að koma með pening með sér.

5. Mótið verður haldið á vellinum hjá Skotfélagi Keflavíkur.

6. Fjarlægðarmælar eru leyfðir. (líklega verða samt fjarlægðirnar gefnar upp á staðnum)

7. Raðað verður í riðla og þeir birtir hér á heimasíðunni.

8. Keppendur verða 5 í hverjum riðli

9. Þeir sem hafa skráð sig til þátttöku eru beðnir um að láta vita ef þeir forfallast tímanlega hjá Pálma Mótsstjóra í síma: 899-8790.

10. Forskráning er í mótið og komast aðeins 20 fyrstu sem skrá sig að.  Skráning fer fram upp í Digranesi á blað sem hangir á töflunni.

11.  Síðasti skráningardagur í mótið er 9. Maí.

Mótinu getur verið frestað fyrirvaralítið ef veðurútlit er ekki gott fyrir laugardaginn 12. maí.  Svo það er nauðsynlegt að fylgjast með hér á heimasíðunni